صباحي مابعد الأرق ..

والصبآح اللي ملآني عشق واحلآم وضمير ..

عشق لشروق الشمس ..

أحلآم .. بأمل بكرة تعدل الأوضآع ..

وضمير .. لولد نآيم .. وشآيب أتعب يديه طآرة سيآرته او دركسونه ..

وكشرة الشآيب بوجه الشمس ..

تنادي للمدى وين امس ؟ وين الشبآب اللي ارتحل ؟..

وين الزمن اللي كنت فيه انا بطل ؟.. وين الحيآة وين اللي يعود بالزمن ؟..

بس اجفآنك تلتقي من فوقهآ .. حاجبينك .. وتعقدهآ .. تتفادى أشعة شمس ..

وبنظرة العزة .. تقول .. لآ الأمس رآجع ولا يومي يبي يوقف ..

نبي نستمر والحيآة معنآ بتستمر ..

عطنآ يآ عم من صبرك على الدنيآ شوي ..

عطنآ يآ عم .. من حلمك على الدنيآ شوي ..

عطنآ يآ عم ..

وإلا تدري يآعم أنا بعطيك من دنيتي حلمي ..

خذه ماابيه .. كل همي جرى .. وبعدين ؟

لمتى اهتم ؟! .. خلها تجي مثل طيف الطفولة اللي عبر !..

على مخيلتي زمآن .. تذكرت لعبة القلآبي أحمر بأصفر ..

وحلم الطفولة ولعبتي وزوايآي .. وكل دنيتي ..

والبقية البآقية .. تجي يآعم مع الزمن ..

لآ تسأل الحيآة ليش ماني موظف .. ولآ تسأل الزمن ليش ماهو مقدر شهاداتي ..

بس نآظر للسكون اللي ملى كل ملآمح هالشبآب ..

لا لنا كشرة الشآيب .. ومآت بوجيهنآ .. حلم الشبآب ..

أسأل كل من اعطانا حلم باليمين وسرقه منآ باليسآر ..

وقتهآ يآعم .. صدقني بتعشق النظآرآت السود .. تخفي بهآ لون عيونك الأحمر ..

نتيجة أرق امس .. تفكر بحآلك لبكرة .. وانت تحاول تتشآغل بنفسك ..

ببقآيآ .. حلم .. وقلب لشيختي ينبض .. وعين للمحتآر تشتآق ..